გუშინ ძლიერმა წვიმამ და ქარმა წალენჯიხის მუნიციპალიტეტი დააზარალა. როგორც „ინტერპრესნიუსს" მერიაში განუცხადეს, დაზიანდა საცხოვრებელი სახლები და მრავალბინიანი კორპუსი.
გარდა ამისა, სოფელ ლიაში ერთ-ერთი ადგილობრივის სახლს მეხი დაეცა, რის შედეგადაც სახლის კედელი ჩამოინგრა. შემთხვევის შედეგად არავინ დაშავებულა.
მერიაში აცხადებენ, რომ ამ ეტაპზე კომისია სწავლობს არსებულ მდგომარეობას, რათა დაზარალებულ მოსახლეობას დახმარება გაუწიონ.