აშშ-ს საელჩო საკუთარ წარმომადგენლებს ურჩევს, „თბილისი პრაიდთან“ დაკავშირებით სიფრთხილე გამოიჩინონ და მსვლელობაში მონაწილეობას მოერიდონ
საქართველოში ამერიკის შეერთებული შტატების საელჩო საკუთარი ქვეყნის წარმომადგენლებს ურჩევს, „თბილისი პრაიდთან“ დაკავშირებით სიფრთხილე გამოიჩინონ და მსვლელობაში მონაწილეობას მოერიდონ.
აღნიშნულთან დაკავშირებით აშშ-ს საელჩო განცხადებას ავრცელებს.
„LGBTQI საზოგადოების მხარდამჭერები და წევრები „ღირსების კვირის“ აღსანიშნავად 22 ივნისს, მარშის ან/და სახალხო ივენთის გამართვას გეგმავენ. ჩვენი მოლოდინით ღონისძიებაზე უამრავი ადამიანის შეკრება მოხდება. ეს საქართველოში „ღირსების კვირასთან“ დაკავშირებული სახალხო ღონისძიებების პირველი შემთხვევაა. წარსულში სახალხო ღონისძიებები ამ საზოგადოების წევრებისა და მხარდამჭერების თვითგამოხატულების საშუალებას წარმოადგენდა, რასაც მწვავე და ზოგჯერ ძალადობრივი რეაქცია ჰქონდა კონტრდემონსტრატებისგან.
აშშ მთავრობის წარმომადგენლებს მიეცათ რჩევა, რომ მოერიდონ იმ ადგილებს, სადაც ხალხის დიდი ნაკადი იქნება შეკრებილი. მოერიდონ მსვლელობაში მონაწილეობას,
გამოიჩინონ სიფრთხილე თავშეყრის ადგილებში, თვალი ადევნონ მედიის ინფორმაციას და შეინარჩუნონ დაბალი აქტივობა“, - ნათქვამია აშშ-ს საელჩოს განცხადებაში.
