საქართველოს ტექნიკური უნივერსიტეტის მეექვსე კორპუსის მიმდებარე ტერიტორიაზე საპატრულო პოლიცია იყო მობილიზებული. სააკაძის მოედანთან პოლიციის რამდენიმე ავტომობილი და სამართალდამცავები იმყოფებოდნენ, თუმცა მათმა უმეტესმა ნაწილმა მიმდებარე ტერიტორია უკვე დატოვა.
"ინტერპრესნიუსის" კითხვაზე, რატომ იყვნენ შეკრებილები, პოლიციელებმა განაცხადეს, რომ საზოგადოებრივი წესრიგის დაცვას უზრუნველყოფენ.
შინაგან საქმეთა სამინისტროში „ინტერპრესნიუსს“ ასევე განუცხადეს, რომ საპატრულო პოლიცია სააკაძის მოედანზე საზოგადოებრივი წესრიგის დაცვის მიზნით იმყოფებოდა. უწყებაში მიზეზი არ დაუკონკრეტებიათ.
ამჟამად მიმდებარე ტერიტორიაზე პოლიციის მხოლოდ სამი ავტომობილი რჩება.
იხილეთ ვიდეო: ტექნიკური უნივერსიტეტის მეექვსე კორპუსთან საპატრულო პოლიცია იყო მობილიზებული