სოფიო ქაცარავა - ჩეხეთი მტკიცედ უჭერს მხარს საქართველოს საგარეო პოლიტიკის პრიორიტეტებს

საპარლამენტო დელეგაცია, საგარეო ურთიერთობათა კომიტეტის თავმჯდომარის, სოფიო ქაცარავას ხელმძღვანელობით, ოფიციალური ვიზიტით ჩეხეთში იმყოფება. ამის შესახებ „ინტერპრესნიუსს“ საქართველოს პარლამენტიდან აცნობეს.

მათი ინფორმაციით, ვიზიტის ფარგლებში შეხვედრები გაიმართა სენატის საგარეო ურთიერთობათა, თავდაცვის და უსაფრთხოების, ასევე ევროკავშირის საქმეთა კომიტეტების თავმჯდომარეებთან.

„მხარეებმა განიხილეს საქართველო-ჩეხეთს შორის არსებული ურთიერთობების ყველა ძირითადი მიმართულება, მათ შორის პოლიტიკური, ეკონომიკური, განათლების საკითხები. ხაზი გაესვა ქვეყნებს შორის საპარლამენტო ურთიერთობებისა და ვიშეგრადის ოთხეულის (V4) ფარგლებში თანამშრომლობის გაღრმავების და გაძლიერების პერსპექტივებს.

ქართულმა მხარემ ყურადღება გაამახვილა საქართველოს საგარეო პოლიტიკის პრიორიტეტებზე; ევროკავშირსა და ნატო-ში ინტეგრაციის გზაზე, საქართველოს ხელისუფლების მიერ განხორციელებულ და მიმდინარე რეფორმებზე. ხაზი გაესვა საქართველოს ოკუპირებულ ტერიტორიებზე არსებულ მძიმე ვითარებას“, - აღნიშნულია პარლამენტის მიერ გავრცელებულ ინფორმაციაში.

„ჩეხეთი მტკიცედ უჭერს მხარს საქართველოს საგარეო პოლიტიკის პრიორიტეტებს და ხელს უწყობს ქვეყანაში დემოკრატიული ინსტიტუტების განვითარებას და სახელმწიფოებრიობის გაძლიერებას. სწორედ ამიტომ ჩვენი კოლეგები, საგარეო, თავდაცვის და უსაფრთხოების, ასევე ევროკავშირის საქმეთა კომიტეტის თავმჯდომარეები და წევრები, ვიშეგრადის ფორმატში საქართველოში მოვიწვიე, რადგან ეს ფორმატი საშუალებას გვაძლევს, ჩვენი ურთიერთობები კიდევ უფრო გავაღრმავოთ და გავაძლიეროთ“, - განაცხადა ქაცარავამ.

ვიზიტის ფარგლებში საპარლამენტო დელეგაციამ შეხვედრა გამართა ქართული დიასპორის წარმომადგენლებთან.

პარლამენტის ცნობით, საპარლამენტო დელეგაციის შემადგენლობაში არიან: ჩეხეთის რესპუბლიკის პარლამენტთან მეგობრობის ჯგუფის ხელმძღვანელი ნინო გოგუაძე და პარლამენტის წევრები: კახაბერ კუჭავა, გელა სამხარაული და ირაკლი აბესაძე.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ