ქუთაისის მერიის წინ არასამთავრობო ორგანიზაცია ,,პოსტერუმ ქუთაისის" ორგანიზებით აქცია - „ნანა წადი“ გაიმართა. აქციის მონაწილეები საკრებულოს დეპუტატის ნანა კოსტავას საკრებულოდან წასვლას მოითხოვენ.
„მოვუწოდებთ ნანა კოსტავას კიდევ ერთხელ, რომ დატოვოს საკრებულო", -განაცხადეს აქციის მონაწილეებმა.
ორგანიზაციის აქტივისტებმა საზოგადოებისთვის ცნობილი სახეების მონაწილეობით ვიდეორგოლი დაამზადეს, რომლის ჩვენებაც მერიის შენობის ფასადზე მოეწყო.
"პოსტერუმ- ქუთაისმა" სიმბოლური წითელი ბარათი ჰეშთეგით # ნანაწადი ადმინისტრაციული შენობის წინ დატოვეს.
ნანა კოსტავამ 28 მაისს გაკეთებული განცხადების შემდეგ, ჯერ ფრაქციის თავმჯდომარის პოსტი, დღეს კი ფრაქცია დატოვა. ის ამ დროისთვის დამოუკიდებელი დეპუტატია.