დამოუკიდებელი დეპუტატი დავით ჭიჭინაძე ბიძინა ივანიშვილის დღევანდელ განცხადებაზე კომენტარს აკეთებს და აცხადებს, რომ ამ განცხადების შემდეგ ირაკლი კობახიძე დაუყონებლივ უნდა გადადგეს.
,,ირაკლი კობახიძე დაუყოვნებლივ უნდა გადადგეს! მითუმეტეს, რომ მმართველი პარტიის თავმჯდომარის, ბიძინა ივანიშვილის დღევანდელი განცხადებიდანაც მხოლოდ ის დასკვნა კეთდება, რომ ქვეყანას არც პარლამენტი ჰყავს და არც პარლამენტის თავმჯდომარე, რომ ყველა გადაწყვეტილებას ერთპიროვნულად ისევ მხოლოდ ივანიშვილი იღებს. კობახიძე და „კოლექტიური ზარდიაშვილები“ კი, მხოლოდ ჩვენი თანამოქალაქეების დაპირისპირებისთვის და კრიზისების გამოწვევისთვის არიან სავარძლებში მოკალათებულნი“, - განაცხადა დავით ჭიჭინაძემ.
შეგახსენებთ, რომ ბიძინა ივანიშვილმა რუსეთის წარმომადგენლის სერგეი გავრილოვის მიერ ფორუმის ხელმძღვანელობაზე ისაუბრა და განაცხადა, რომ დაუშვებელია, საქართველოს პარლამენტში ოკუპანტი სახელმწიფოს წარმომადგენელი ხელმძღვანელობდეს რაიმე სახის ფორუმს.