გიორგი გახარია ამ პოლიტიკური კრიზისის ერთ-ერთი გამომწვევია, ამიტომ, მოეშვით ვაჭრობას და გადააყენეთ გახარია, - ამის შესახებ „ევროპული საქართველოს“ წევრმა ელენე ხოშტარიამ ჟურნალისტებს განუცხადა.

მისი თქმით, შს მინისტრი აუცილებლად უნდა გადადგეს.

„აღმაშფოთებელი და სამარცხვინოა გახარიას თანამდებობაზე დატოვება და ხალხთან ვაჭრობა თანამდებობებით. ისინი ერთი დღე ვაჭრობდნენ კობახიძით, ახლა ვაჭრობენ გახარიათი. მაშინ, როცა გახარიას არ აქვს არც მორალური, არც სამართლებრივი და არც პოლიტიკური უფლება იყოს შს მინისტრი. გახარია არის შს მინისტრი, რომელმაც იყიდა ნაკლებად სასიკვდილო, ანუ სასიკვდილო ტყვიები და გასცა ბრძანება ადამიანებისთვის დამიზნებით ესროლათ და დაესახიჩრებინათ. დღემდე სამი ადამიანი ებრძვის სიკვდილს, ადამიანებმა დაკარგეს თვალი. ეს ვერ შერჩება მას. ის არის ამ პოლიტიკური კრიზისის ერთ-ერთი გამომწვევი, ამიტომ, მოეშვით ვაჭრობას და გადააყენეთ გახარია“,- განაცხადა ხოშტარიამ.

იხილეთ ვიდეო