საპროტესტო აქციის მონაწილეები კახეთის გზატკეცილზე მდებარე შინაგან საქმეთა სამინისტროსკენ მიემართებიან. მანამდე აქციის მონაწილეები ორთაჭალაში, შს სამინისტროს შენობასთან იმყოფებოდნენ, სადაც მსვლელობით რესპუბლიკის მოედნიდან მივიდნენ.
ისინი შს მინისტრის გიორგი გახარიას მისამართით სკანდირებდნენ: "წადი". ამჟამად კი ავტოკოლონებით კახეთის გზატკეცილზე მდებარე შსს-ს შენობასთან გადაადგილდებიან.
მსვლელობა ავტომობილების სიგნალებისა და საყვირების ფონზე მიმდინარეობს. აქციის მონაწილეთა მოთხოვნები შემდეგია: შს მინისტრის გიორგი გახარიას გადადგომა და 20 ივნისს აქციის დაშლის დროს დაკავებულების გათავისუფლება.