პარლამენტის შენობის წინ საპროტესტო აქცია დასრულდა. აქციის ორგანიზატორთა განცხადებით, აქცია 25 ივნისს, 19.00 საათზე განახლდება.
მათივე განცხადებით, იმ შემთხვევაში, თუ ხელისუფლების მიმართ წაყენებული მოთხოვნები არ დაკმაყოფილდება, აქციები უფრო ფართომასშტაბიანი გახდება.
მათივე ინფორმაციით, აქცია 25 ივნისს, პარალელურ რეჟიმში ბათუმსა და ფოთში გაიმართება.
აქციამ, რომელიც მეხუთე დღეა, პარლამენტის შენობის წინ მიმდინარეობს, ექსცესების გარეშე ჩაიარა.
რუსთაველის გამზირზე მოძრაობა უკვე აღდგა.