რუსთაველის გამზირზე, საპროტესტო აქციაზე ადმინისტრაციული წესით დაკავებულმა ადვოკატმა ბექა ბასიალაიამ საჩივარი გაიწვია.

როგორც მან დღეს სასამართლო სხდეომაზე განაცხადა, ის შინაგან საქმეთა მინისტრის, გიორგი გახარიას გადადგომის მოთხოვნით შიმშილობას იწყებს.

„წინა პროცესი გადაიდო იმის გამო, რომ იმ ადამიანების პროცესი არ იყო ჩანიშნული, ვინც „გავრილოვის ღამეს“ დააკავეს.

წალკაში, ახალციხეში და .აშ. ამ აქციაზე მონაწილე პირები პატიმრობაში რჩებიან. მათი პატიმრობა ცალსახად პოლიტიკურია და სამართალთან არავითარი კავშირი არ აქვს. ვინაიდან დღეის მდგომარეობითაც ეს ადამიანები პატიმრობაში რჩებიან, საჩივარს გავიწვევ. ერთ-ერთი უკანასკნელი ვიქნები, ვინც გათავისუფლდება", - განაცხადა ბასილაიამ.

მოსამართლე მურუსიძემ თბილისის საქალქო სასამართლოს გადაწყვეტილება ძალაში დატოვა.

თბილისის საქალაქო სასამართლოს 21 ივნისის გადაწყვეტილებით, ბექა ბასილაიას 14-დღიანი ადმინისტრაციული პატიმრობა შეეფარდა. აღნიშნული გადაწყვეტილება მან თბილისის სააპელაციო სასამართლოში გაასაჩივრია. გასულ სხდომაზე, მან მოსამართლეს შუამდგომლობით მიმართა, რომლის მიხედვითაც,

ვიდრე 20 ივნისს დაკავებული ყველა პირი არ გათავისუფლდება, მანამდე მისი საჩივრის განხილვა უნდა გადადებულიყო.

მოსამართლე ლევან მურუსიძემ ბასილაიას შუამდგომლობა დააკმაყოფილა და სხდომა 25 ივნისის 11:00 საათამდე გადადო.

ცნობისთვის, 20 ივნისს, რუსთაველის გამზირზე დაკავებულ პირებს ადმინისტრაციული სამართალდარღვევათა კოდექსის 173-ე და 166-ე მუხლების დარღვევას ედავებიან, რაც პოლიციის წინააღმდეგობას და წვრილმან ხულიგნობას გულისხმობს.

იხილეთ ვიდეო: დაკავებულმა ადვოკატმა ბექა ბასილაიამ გიორგი გახარიას გადადგომის მოთხოვნით შიმშილობა დაიწყო