პარლამენტის ბიუროს სხდომაზე აკაკი ზოიძე და მიხეილ ყაველაშვილი რომან გოცირიძეს დაუპირისპირდნენ. კერძოდ, რომან გოცირიძის განცხადებით, თუ პარლამენტი მხარს დაუჭერს მელიას დაპატიმრებას და პროკურატურას თანხმობას მისცემს და ვინც ამ გადაწყვეტილებას მიიღებს, დაისჯება. მას პასუხს აკაკი ზოიძე სცემდა, რა დროსაც გოცირიძემ ხელი ჰკრა და დაპირისპირება დაიწყო, რომელშიც მიხეილ ყაველაშვილიც ჩაერთო.

დეპუტატ ნიკა მელიას დაპატიმრებაზე პარლამენტის მიერ პროკურატურისთვის თანხმობის მიცემასთან დაკავშირებით პარლამენტის ბიუროს საგანგებო სხდომა ხმაურით მიმდინარეობს.

საკითხს თავდაპირველად იურიდიულ საკითხთა და საპროცედურო საკითხთა კომიტეტები განიხილავს და შემდგომში გადაწყვეტილების მისაღებად კომიტეტების დასკვნა პლენარულ სხდომაზე გავა.

პარლამენტში ვარაუდობენ, რომ განხილვა მელიასთვის იმუნიტეტის შეჩერების თაობაზე ხვალვე დაიწყება.

იხილეთ ვიდეო