პარლამენტის სხდომაზე ნიკა მელიას დაპატიმრების შესახებ პროკურატურისთვის თანხმობის მიცემაზე, სავარაუდოდ, 26 ივნისს იმსჯელებენ

პარლამენტის იურიდიულ საკითხთა და საპროცედურო საკითხთა და წესების კომიტეტი 26 ივნისს გაერთიანებულ სხდომას გამართავს, სადაც ნიკა მელიას დაპატიმრების თაობაზე პარლამენტის მიერ თანხმობის მიცემის საკითხზე იმსჯელებენ.

კომიტეტების გაერთიანებული სხდომა 09:00 საათზე დაინიშნა. საკითხი სავარაუდოდ, 26 ივნისვე, პლენარულ სხდომაზე გავა.

როგორც გენერალური პროკურორის შალვა თადუმაძის მიერ პარლამენტში გაგზავნილ წერილშია აღნიშნული, პროკურატურა ნიკა მელიას ბრალს საზოგადოებრივი წესრიგისა და უშიშროების წინააღმდეგ მიმართული დანაშაულის ჩადენაში სდებს. პარლამენტისადმი გაგზავნილ მიმართვაში ასევე ნათქვამია, რომ მან შესძლო დაეყოლიებინა მშვიდობიანი მომიტინგეები სამართლადამცავებზე ძალადობრივ თავდასხმაში.

გენერალური პროკურორის შეფასებით, მოცემულ შემთხვევაში სახეზეა აღკვეთის ღონისძიების გამოყენების როგორც ფაქტობრივი, ასევე ფორმალური საფუძველი.

გენერალურ პროკურორის მიმართვას თავდაპირველად იურიდიულ საკითხთა და საპროცედურო საკითხთა კომიტეტები განიხილავს და შემდგომში გადაწყვეტილების მისაღებად კომიტეტების დასკვნა პლენარულ სხდომაზე გავა.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 15.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება