ადვოკატი - ნიკა მელიას არც დაპატიმრების ეშინია

მართალია ბრალდების დადგენილება გადმომცეს, ორგვერდიანი დოკუმენტი, თუმცა არც მტკიცებულებების ნუსხა გადმომცეს და არც მტკიცებულებები, თუ რას ეყრდნობა ბრალდება, - აღნიშნული განცხადება გენერალური პროკურატურიდან გამოსვლის შემდეგ დეპუტატ ნიკა მელიას ადვოკატმა გიორგი კონდახიშვილმა გააკეთა.

„საპროცესო კანონმდებლობა ითვალისწინებს დაუყოვნებლივ მტკიცებულებების ნუსხისა და მტკიცებულებების გადმოცემას, ვინაიდან ნიკა მელიას აქვს უფლება იცოდეს, რას ეყრდნობა ბრალდება", - განცხადება ადვოკატმა.

გიორგი კონდახიშვილის თქმით, ბრალდება, რომელიც გუშინ გააჟღერა პროკურატურამ, სისხლის სამართლის კოდექსის 225-ე მუხლის პირველი და მეორე ნაწილი გულისხმობს ჯგუფური მოქმედების ხელმძღვანელობას, რასაც მოჰყვა მასობრივი არეულობა.

"მტკიცებულებები არ არის გადმოცემული, მაგრამ ვარაუდის დონეზე ვამბობ, ის განცხადებები, რაც საჯაროდ იყო გასული მასმედიაში და სოციალურ ქსელებში, სადაც ნიკა მელია ამბობს, რომ მშვიდობიანად, ხელებაწეული, კონსტრუქციულად, გასაპროტესტებლად გადავინაცვლოდ პარლამენტის ეზოში, ასევე მეორე განცხადება, რომელიც ასევე ანალოგიური შინაარსის მატარებელია, თუკი არის მასობრივი არეულობის მოწოდება, ხელმძღვანელობა და ორგანიზება, როგორც იურისტი ვამბობ, რომ აქ სისხლის სამართლის კოდექსის 225-ე მუხლის შემადგენლობა არ არის. ეს არის სამართლებრივი აბსურდი. თავად ნიკა მელია არის საქართველოს პარლამენტში, არავითარ მიმალვას არ აპირებს! იგი მზად არის წარსდგეს მართლმსაჯულების წინაშე, მიუხედავად იმისა, რომ ეს თავშივე არის ხარვეზიანი, უამრავი კითხვის ნიშნების მქონე მართლმსაჯულება. არც დაპატიმრების არ ეშინია ნიკანორ მელიას, თუკი ასეთი იქნება მიღებული", -განაცხადა ადვოკატმა გიორგი კონდახიშვილმა.

იხილეთ ვიდეო

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს