რუსმა დეპუტატმა ლეონიდ სლუცკიმ ევროსაბჭოს საპარლამენტო ასამბლეის ვიცე-პრეზიდენტის თანამდებობის დასაკავებლად საჭირო ხმები ვერ მიიღო. ის ამ თანამდებობაზე კანდიდატად ჯერ კიდევ ორშაბათს დაასახელეს, თუმცა მის წინააღმდეგ ბევრი დეპუტატი გამოვიდა და ფარული კენჭისყრა დაინიშნა.
სლუცკიმ საჭირო 159 ხმიდან 101 ხმა მიიღო. საპარლამენტო ასამბლეა არ გამორიცხავს დღის მეორე ნახევარში არჩევნების მეორე ტურის დანიშვნას, რომლის დროსაც კანდიდატს ეყოფა უბრალო უმრავლესობა, კენჭისყრა კი შეიძლება იყოს როგორც ფარული, ასევე - ღია. აღნიშნულ ინფორმაციას „რია ნოვოსტი“ ავრცელებს.