მარიამ ჯაში ნიკა მელიას საკითხზე - ვპირდები საზოგადოებას, ჩემი გადაწყვეტილება პოლიტიკური კუთვნილებით არ იქნება მიღებული

ვპირდები საზოგადოებას, ჩემი გადაწყვეტილება პოლიტიკური კუთვნილებით არ იქნება მიღებული, - ასე უპასუხა “ინტერპრესნიუსის” მიერ დასმულ კითხვას პარალამენტის განათლების კომიტეტის თავმჯდომარემ მარიამ ჯაშმა, რომელიც დეპუტატ ნიკა მელიას სადეპუტატო მანდატის შეჩერებას უკავშირდება.

მარიამ ჯაშის განცხადებით, მისთვის მნიშვნელოვანია გადაწყვეტილება მიღებულ იქნას მყარი არგუმენტაციის საფუძველზე.

„ვპირდები საზოგადოებას, ჩემი გადაწყვეტილება პოლიტიკური კუთვნილებით არ იქნება მიღებული. მე არ ვესწრებოდი კომიტეტის სხდომას, თუმცა პროცესებს ვაკვირდებოდი მედიით. გადაწყვეტილების მიღებაში მნიშვნელოვანია პოზიცია არგუმენტებით იყოს გაჯერებული”, - აღნიშნა მარიამ ჯაშმა.

პროკურატურა ნიკა მელიას ბრალს საზოგადოებრივი წესრიგისა და უშიშროების წინააღმდეგ მიმართული დანაშაულის ჩადენაში სდებს. გენერალური პროკურორის პარლამენტისადმი გაგზავნილ მიმართვაში ნათქვამია, რომ მან შესძლო დაეყოლიებინა მშვიდობიანი მომიტინგეები სამართლადამცავებზე ძალადობრივ თავდასხმაში.

გენერალური პროკურორის შეფასებით, მოცემულ შემთხვევაში სახეზეა აღკვეთის ღონისძიების გამოყენების როგორც ფაქტობრივი, ასევე ფორმალური საფუძველი.

შეგახსენებთ, რომ დეპუტატის დაკავებაზე ან დაპატიმრებაზე პარლამენტის მიერ თანხმობის მიცემის შემთხვევაში, პარლამენტის წევრს უფლებამოსილება დაკავების ან დაპატიმრების პერიოდით შეუჩერდება.

პარლამენტის წევრის დაკავება ან დაპატიმრება, ასევე მისი საცხოვრებელი ან სამუშაო ადგილის, მანქანის ან პირადი გაჩხრეკა მხოლოდ პარლამენტის წინასწარი თანხმობით შეიძლება. გამონაკლისია დანაშაულზე წასწრების შემთხვევა, რაც პარლამენტს დაუყოვნებლივ უნდა ეცნობოს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს