ნიკა მელიამ პარლამენტის შენობა უკვე დატოვა

„ნაციონალური მოძრაობის“ წევრმა ნიკა მელიამ პარლამენტის შენობა უკვე დატოვა. როგორც მან ჟურნალისტებს განუცხადა, იგი ოჯახის წევრების სანახავად წავიდა. მელიას ინფორმაციით, პროკურატურისგან ჯერჯერობით არც რაიმე დოკუმენტი მიუღია და მასთან არც ზარი განხორციელებულა.

პარლამენტმა ნიკა მელიას დაპატიმრებაზე პროკურატურისთვის თანხმობის მიცემის საკითხს მხარი დაუჭირა. აღნიშნული დადგენილება დღევანდელ პლენარულ სხდომაზე 91 ხმით, არც ერთის წინააღმდეგ მიიღეს. ამით ნიკა მელიას დეპუტატის იმუნიტეტი შეუჩერდა.