რუსთაველის გამზირზე პარლამენტის შენობის წინ საპროტესტო აქციაზე შეკრებილებმა ფერადი მაშხალები გაუშვეს. ერთ-ერთმა ორგანიზატორმა დემონსტრანტებს მოუწოდა, რომ მუსიკის ფონზე, სიმბოლურად სწორედ ამგვარად დაესრულებინათ დღევანდელი აქცია.
კიდევ ერთი სიმბოლური ჟესტი, რომელსაც სახლისკენ მიმავალი აქციის მონაწილეები მიმართავენ, პოლიციელებისთვის ხელის ჩამორთმევა იქნება. მიშა მშვილდაძემ მათ მოუწოდა, რომ სახლში წასვლისას ყველა პოლიციელს ხელი ჩამოართვან და გადაკოცნონ მშვიდობის ნიშნად.
„როცა სახლებისკენ წავალთ, ყველა პოლიციელს, რომელსაც გზად ვნახავთ, ხელი ჩამოვართვათ და გადავკოცნოთ, დავემშვიდობოთ ხვალამდე, ჩვენი მშვიდობიანობის და იმის ნიშნად, რომ ისინი ჩვენი მოწინააღმდეგეები კი არა, ისინიც ჩვენიანები არიან, ჩვენ ერთნი ვართ,“ - მიმართა მშვილდაძემ აქციის მონაწილეებს.