პარლამენტის შენობის წინ მიმდინარე აქცია დასრულდა. ორგანიზატორთა განცხადებით, აქცია 27 ივნისს, 19.00 საათზე განახლდება.
მათივე განცხადებით, აქციები არ შეჩერდება, ვიდრე შს მინისტრი, გიორგი გახარია თანამდებობას არ დატოვებს.
ამ დროისთვის რუსთაველის გამზირზე საავტომობილო მოძრაობა აღდგენილია. ტერიტორიაზე კვლავ რჩებიან სამართალდამცველები.
აქციის ორგანიზატორები 27 ივნისს 21:00 საათზე, ივანიშვილის სახლთან მსვლელობას გეგმავენ