გამანაწილებელ ქსელში დაგეგმილი სარეაბილიტაციო სამუშაოების გამო, 27 ივნისს „ენერგო-პრო ჯორჯიას“ მომხმარებლებლების ნაწილს ენერგომომარაგება დროებით შეეზღუდებათ. ამის შესახებ „ინტერპრესნიუსს“ კომპანია „ენერგო-პრო ჯორჯიადან“ აცნობეს.
მათი ინფორმაციით, 10:00 საათიდან 11:00 საათამდე შეზღუდვა შეეხებათ დაბა ზაჰესში მცხოვრებლებს.
10:00 საათიდან 18:30 საათამდე დენი გაითიშება მცხეთის მუნიციპალიტეტის სოფლებში: წილკანი, ფრეზეთი, ერედა, ახალდაბა და მიმდებარე სოფლებში.
12:00 საათიდან 18:00 საათამდე ელექტროენერგია შეუწყდება დუშეთის მუნიციპალიტეტის სოფლებს: ბულაჩაური, აბანოსხევი, ზემო ბულაჩაური და მიმდებარე სოფლებს, ხოლო 12:00 საათიდან 15:30 საათამდე - აბონენტებს დაბა სტეფანწმინდაში.
სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.