უცხოური მედია ნიკა მელიასთვის დეპუტატის იმუნიტეტის შეჩერების საკითხს ეხმაურება. გუშინ პარლამენტში გამართულ კენჭისყრასა და მის შედეგებზე ისეთი გავლენიანი მედიასაშუალებები წერენ, როგორიც არის: The New York Times, Associated Press, ABCnews, CBS, საინფორმაციო სააგენტო „როიტერსი“ და რადიო „თავისუფლების“ ევროპული ბიურო. დასავლური მედია წერს, რომ ნიკა მელია 20 ივნისს გამართული საპროტესტო აქციის ორგანიზებაშია ბრალდებული, რომელიც დემონსტრანტებს პარლამენტში შეჭრისკენ მოუწოდებდა.
დასავლური მედია ასევე აღნიშნავს, რომ საქართველოში პოლიტიკური დესტაბილიზაცია რუსი დეპუტატის სერგეი გავრილოვის მიერ ქვეყნის პარლამენტის თავმჯდომარის ადგილიდან ასამბლეის მონაწილეებისთვის რუსულ ენაზე გაკეთებული მიმართვა გახდა.