როცა არის გუნდში მსჯელობა და ისინი გუნდში არ აფიქსირებენ განსხვავებულ პოზიციას და შემდეგ გადაწყვეტილება არის განსხვავებული, ეს მსჯელობის საგანი უნდა იყო, - ამის შესახებ უნრავლესობის დეპუტატმა დიმიტრი ხუნდაძემ ჟურნალისტებს განუცხადა, რითაც ჟურნალისტების კითხვას უპასუხა- მოუწევს თუ არა რომან კაკულიას უმრავლესობის გუნდის დატოვება.

„ვფიქრობ, რომ ეს არის დეპუტატის გადასაწყვეტი კონკრეტულ მომენტში რა პოზიციას დაიჭერს და რა გადაწყვეტილება მიიღოს. თუმცა, როცა არის გუნდში მსჯელობა და ისინი შიგნით, გუნდში არ აფიქსირებენ განსხვავებულ პოზიციას და შემდეგ გადაწყვეტილება არის განსხვავებული, რა თქმა უნდა, ეს მსჯელობის საგანი უნდა იყოს",- აცხადებს დიმიტრი ხუნდაძე.

რომან კაკულია ერთ-ერთი დეპუტატია, რომელმაც ნიკა მელიასთვის დეპუტატის იმუნიტეტის მოხსნასთან დაკავშირებით კენჭისყრაში მონაწილეობა არ მიიღო.

შეგახსენებთ, რომ პარლამენტმა ნიკა მელიას დაპატიმრებაზე პროკურატურისთვის თანხმობის მიცემის საკითხს მხარი დაუჭირა. აღნიშნული დადგენილება გუშინ პლენარულ სხდომაზე 91 ხმით, არც ერთის წინააღმდეგ მიიღეს. ამით ნიკა მელიას დეპუტატის იმუნიტეტი შეუჩერდა. თუმცა კენჭისყრაში მონაწილეობა არ მიუღიათ უმრავლესობის რამდენიმე დეპუტატს, მათ შორის რომან კაკულიას, მარიამ ჯაშს და ბიძინა გეგიძეს. ამასთან, მარიამ ჯაშს და ბიძინა გეგიძეს არც რეგისტრაცია გაუვლიათ.