არჩილ თალაკვაძე - პარლამენტსა და მთავრობის წევრებს შორის, ბოლო დღეებში განვითარებულ მოვლენებზე მსჯელობის საპარლამენტო ფორმატის შესათანხმებლად, კონსულტაციები გაიმართება

საქართველოს პარლამენტი და მთავრობა უახლოეს მომავალში გამართავენ კონსულტაციებს, რათა შექმნან მსჯელობის ფორმატი, სადაც ქვეყანაში ბოლო დღეებში განვითარებულ მოვლენებს განიხილავენ. ამის შესახებ ბიუროს დღევანდელ სხდომაზე პარლამენტის თავმჯდომარე არჩილ თალაკვაძემ განაცხადა.

„გაიმართება კონულტაციები პარლამენტსა და მთავრობის შესაბამის წევრებს შორის ბოლო დღეებში განვითარებულ მოვლენებზე მსჯელობის საპარლამენტო ფორმატის შესათანხმებლად. ეს საკითხიც, რა თქმა უნდა არ დარჩება ყურადღების გარეშე, როგორც თქვენ, საპარლამენტო უმრავლესობას წევრებს, ასევე ოპოზიციას ექნება შესაძლებლობა, რომ შესაბამის წინასწარ შეთანხმებულ ფორმატში განვითარებულ მოვლენებზე ვიმსჯელოთ და გავაკეთოთ პოლიტიკური შეფასებები“, - განაცხადა თალაკვაძემ.