ეკონომიკისა და მდგრადი განვითარების მინისტრის მოადგილე დავით თვალაბეიშვილი ენერგეტიკული გაერთიანების წევრი ქვეყნების არაფორმალურ მინისტერიალში მონაწილებს, რომელიც ავსტრიაში მიმდინარეობს.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, შეხვედრის დღის წესრიგის მიხედვით გაიმართება გარემოს დაცვისა და ენერგეტიკის მინისტრთა გაერთიანებული სესია. სესიაზე განიხილება „სუფთა ენერგეტიკული პაკეტის“ (Clean Energy Package) 2030 წლის სამიზნე მაჩვენებლებით განპირობებული გამოწვევები. ამასთან, კიდევ ერთი სესია დაეთმობა ენერგეტიკული გაერთიანების ხელშეკრულებაში შესატანი ცვლილებების განხილვას.

შეგახსენებთ, რომ საქართველო ენერგეტიკული გაერთიანების სრულუფლებიანი წევრი 2016 წლიდანაა.