ზაზა ხუციშვილი - პოლიციაში 40 ათასი თანამშრომელია, ვერც ერთი მინისტრი ვერ უზრუნველყოფს, რომ არავის მოუვა გადაცდომა - გიორგი გახარია ამოღებულია მიზანში, რადგან პოპულარული მინისტრია

პოლიციაში არის 40 ათასი თანამშრომელი. გიორგი გახარია დაახლოებით ერთი წელია მინისტრია. ვერც ერთი მინისტრი თავის უწყებაში ვერ უზრუნველყოფს იმას, რომ არავინ გაიხედავს ქრთამისკენ, არავის მოუვა გადაცდომა და ასე შემდეგ. გიორგი გახარია არის ამოღებული მიზანში,

იმიტომ რომ არის პოპულარული მინისტრი, - ასე უპასუხა უმრავლესობის წევრმა ზაზა ხუციშვილმა ჟურნალისტების კითხვას, უნდა დადგეს თუ არა შს მინისტრის პოლიტიკური პასუხისმგებლობის საკითხი.

ხუციშვილის თქმით, ის დარწმუნებულია, რომ გიორგი გახარია პირობას შეასრულებს და საქმე გამოძიებულ იქნება.

“თუ მოხდა ისეთი ფაქტი, როგორიც ხდებოდა ვანო მერაბიშვილის დროს, რომ არც ერთ უმძიმეს დანაშაულზე არავინ პასუხი არ აგო და პირიქით, დააწინაურეს და შეგახსენებთ, რომ გირგვლიანის საქმის ორი მთავარი ფიგურანტიდან ერთი მინისტრად დააწინაურეს და მეორე პრემიერ-მინისტრად - ვგულისხმობ მერაბიშვილს და ახალაიას. ამ შემთხვევაში, რა თქმა უნდა, მაგრამ ასეთი რამ არ იქნება. დადო პირობა გახარიამ, რომ გამოძიებული იქნება და დარწმუნებული ვარ, რომ ეს პირობა შესრულდება”, -აცხადებს ზაზა ხუციშვილი.

ხუციშვილის თქმით, გიორგი გახარიამ ის, მისი კოლეგები და პარლამენტი დაიცვა შეტევისგან.

“ეს იყო ორსაათიანი ინტენსიური შეტევა და რამდენჯერმე აქედან გაყრილი ხალხი ისევ მობრუნდა, მათ შორის მას შემდეგ, როცა გაზი გამოიყენეს, ისევ შეიკრიბნენ და უკვე უფრო მეტი შეიარაღებული რკინებით და ჯოხებით მოვიდნენ, ამიტომ ამას ხელს ნუ დავაფარებთ. თუ გვინდა ვიყოთ სამართლიანები, თქვით, რომ იყო სერიოზული შტურმი, მაგრამ დაშლის დროს, ბოლო ფაზაზე, გამოჩნდა, რომ იყო რამდენიმე გადაცდომა, ამაზე უნდა იყოს რეაგირება”, - აცხადებს ხუციშვილი.

ცნობისთვის, “ევროპული საქართველო“ ითხოვს, პარლამენტმა უახლოეს პლენარულ სხდომაზე განიხილოს მათ მიერ მომზადებული დადგენილების პროექტი, რომელიც 20-21 ივნისის მოვლენების გამო, შს მინისტრის გიორგი გახარიას პოლიტიკური პასუხისმგებლობის საკითხის დაყენებას ითვალისწინებს.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 20.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ