ბექა ნაცვლიშვილი - აუცილებელია პარტიების დაფინანსების წესის შეცვლაც

მხოლოდ პროპორციული სისტემა ვერ უზრუნველყოფს სრულფასოვან მონაწილეობას პოლიტიკური პარტიების საარჩევნო პროცესში. აუცილებელი იქნება დაფინანსების წესის შეცვლაც, - ამის შესახებ დამოუკიდებელმა დეპუტატმა ბექა ნაცვლიშვილმა ჟურნალისტებს განუცხადა.

ამასთან, მისი თქმით, პროპორციულ საარჩევნო სისტემას ექნება მისი მხარდაჭერა.

"ეს არის ძალიან დიდი წინგადადგმული ნაბიჯი ქვეყნისთვის. ამას ჩვენ დიდი ხანია ვითხოვდით, ის პოლიტიკური ჯგუფი, რომელსაც ადრე განვეკუთვნებოდი. მხოლოდ პროპორციული სისტემა ვერ უზრუნველყოფს სრულფასოვან მონაწილეობას პოლიტიკური პარტიების საარჩევნო პროცესში. აუცილებელი იქნება დაფინანსების წესის შეცვლაც. შეიძლება დადგეს რადიკალური ცვლილებების აუცილებლობა, როგორიც არის მაგალითად: არა სახელმწიფო დაფინანსება პარტიებს , არამედ თავად მოქლაქეებმა სურვილისამებრ უზრუნველყონ თავიანთი პარტიების დაფინანსება. მაგალითად, თუ საშემოსავლო გადასახადი არის 20 პროცენტი , 0.5 პროცენტი წარიმართოს იმ პოლიტიკური პარტიის დასაფინანსებლად , რომელიც მათთვის არის ყველაზე მისაღები. ეს გარკვეული თვალსაზრისით გამორიცხავს იმას, რომ დიდმა პარტიებმა, რომლებიც ფინანსურად ძლიერები არიან, დომინირება მოახდინონ პოლიტიკურ ველზე, როგორც ამას ყოველთვის ახდენდნენ.

ჩვენ შეგვიძლია შევზღუდოთ და შევამციროთ ფიზიკური პირების მიერ გადარიცხული თანხა და დავიყვანოთ მხოლოდ და მხოლოდ ამ შემოთავაზებაზე, რაზეც ჩვენ საარჩევნო სისტემის ცვლილების პროცესში ვიმუშავებთ. თუ ეს იქნება გაზიარებული, ეს იქნება ბევრად უფრო წინგადადგმული ნაბიჯი, ვიდრე უბრალოდ პროპორციული სისტემაზე გადასვლა", -აცხადებს ბექა ნაცვლიშვილი.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება