ნიგერის დასავლეთ ნაწილში, ქალაქ ინატესთან, უცნობი მებრძოლების თავდასხმას სამხედროების ბანაკზე 16 ჯარისკაცი შეეწირა. თავდამსხმელებმა გაიტაცეს 10-მდე ავტომობილი.
მაისში დაახლოებით იმავე რაიონში 28 ჯარისკაცი დაიღუპა, როდესაც ტერორისტული ორგანიზაციის „ისლამური სახელმწიფოს“ დასავლეთ აფრიკული ფილიალის მებრძოლების ჩასაფრებაში მოჰყვნენ.
ბოლო თვეებში ამ რეგიონში - საჰარის სამხრეთ-დასავლეთით, სიტუაცია ძალიან დაიძაბა. გააქტიურდნენ ისლამისტი ტერორისტები, ერთმანეთს თავს ესხმიან ფერმერთა და მესაქონლეთა თემებიც. ისლამისტები მოქმედებენ ნიგერის, მალისა და ბურკინა-ფასოს საზღვრების მიმდებარე ტერიტორიებზე. იქ ბოლო თვეებში საფრანგეთმა და აშშ-მ ათასობით ჯარისკაცი გადაისროლეს ისლამისტებთან საბრძოლველად.