გრიგორი კარასინი 20-21 ივნისის მოვლენებზე - წინ საარჩევნო წელია და ჩვენ ეს კარგად გვესმის, მაგრამ არ გვინდა, რომ ამაში ანტირუსული განწყობების გაძლიერება შემოვიდეს

წინ საარჩევნო წელია და ჩვენ ეს ძალიან კარგად გვესმის, მაგრამ არ გვინდა, რომ ამაში შემოვიდეს ანტირუსული განწყობების გაძლიერება, - ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა ჟენევაში განაცხადა, სადაც ჟენევის დისკუსიების მორიგი რაუნდი მიმდინარეობს.

კარასინმა აღნიშნა, რომ მათ ექნებათ შეხვედრა ქართველ კოლეგებთან, სადაც საუბრის ერთ-ერთი თემა 20-21 ივნისის მოვლენები იქნება. კარასინმა ამ მოვლენებიდან გამომდინარე შექმნილ ვითარებას „უსახური“ უწოდა.

„ჩვენ აქ არ ჩამოვსულვართ ესკალაციისთვის. ჩვენ აქ ჩამოვედით იმისთვის, რომ გავცვალოთ მოსაზრებები ჩვეულებრივ საკითხთა წრეზე, კერძოდ, ადგილზე არსებულ ვითარებაზე, ძალის გამოუყენელობაზე. პარალელურად ჩვენ შევხვდებით ქართველ კოლეგებს და ვფიქრობ, შევეცდებით უკეთ გავუგოთ ერთმანეთს, რათა ამ საკმაოდ უსახური ვითარებიდან გამოსავალი ვიპოვოთ, რომელიც ეხება 20-21 ივნისის მოვლენებს. ეს ყველაფერი არასასურველია ჩვენი ურთიერთობებისთვის. ჩვენ ამას უნდა გადავაბიჯოთ, მითუმეტეს, რომ ეს არავითარ შემხებლობაში არაა ორმხრივ ურთიერთობებთან რუსეთის ფედერაციასთან. ეს საქართველოს შიდაპოლიტიკური საკითხია. მიდის პოლიტიკური ბრძოლა, წინ საარჩევნო წელია და ჩვენ ეს ძალიან კარგად გვესმის. მაგრამ ჩვენ არ გვინდა, რომ ამაში შემოვიდეს ანტირუსული განწყობების გაძლიერება. ამას უნდა თავი ავარიდოთ რამენაირად“, - განაცხადა ტელეკომპანია „იმედთან“ საუბრისას კარასინმა.

მან ასევე აღნიშნა, რომ „დემონსტრაციამ, ანტირუსულმა განცხადებებმა და ლოზუნგებმა ურთიერთობების საერთო სურათი გააფუჭა“.

რაც შეეხება რუსი ტურისტების საქართველოდან გაყვანის გადაწყვეტილებას, როგორც კარასინმა აღნიშნა, კრემლმა ამით თავი დაიზღვია.

„ჩვენ არ შეგვიძლია რისკის ქვეშ დავაყენოთ ჩვენი მოქალაქეები. მათ სურთ იყვნენ ტურისტები, თუმცა ღმერთმა არ ქნას რამე მოხდეს. ყველა ხელს გაიშვერს რუსეთის ხელისუფლების მისამართით, რომ ჩვენ ვერ შევძელით გაგვეთვალისწინებინა ასეთი ნეგატიური მოულოდნელობები. ჩვენ თავი დავიზღვიეთ. რა იქნება შემდეგ, მომავალში ვნახავთ“, - აღნიშნა რუსეთის საგარეო საქმეთა მინისტრის მოადგილემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა