სულხან სალაძე - თუ  აქციის დაშლა შს მინისტრის ბრძანება არ იყო, ესეც პრობლემაა

კანონმდებლობა არ განიხილავს და არ ასხვავებს ადამიანებს პასუხისმგებლობის ნაწილში, ყველას თავისი წილი პასუხისმგებლობა აქვს და ყველამ უნდა აგოს პასუხი, - ასე გამოეხმაურა „ახალგაზრდა იურისტთა ასოციაციის“ თავმჯდომარე სულხან სალაძე 20 ივნისის ღამეს განვითარებულ მოვლენებთან დაკავშირებულ შეკითხვას.

სალაძის თქმით, აქციის დაშლისას პროცესები განვითარდა ქაოტურად.

“მნიშვნელოვანი გამოწვევა, რაც 20-21 ივნისის მოვლენების გამოძიებას უკავშირდება, ეს არის კონკრეტული პირების იდენტიფიცირება და მათი პასუხისმგებლობა. აქ საუბარია,

როგორც რიგითი სამართალდამცავების მხრიდან პასუხისმგებლობაზე, ასევე საუბარია მაღალი პოლიტიკური თანამდებობის მქონე პირების პასუხისმგებლობაზე. პირველ რიგში, პოლიტიკური თანამდებობის პირების პასუხისმგებლობაზე

როცა ვლაპარაკობთ, ცხადია, მოიაზრება შინაგან საქმეთა მინისტრი, იყო თუ არა

მისი ბრძანება ეს არ ცვლის არაფერს, თუ არ იყო ეს მისი ბრძანება, ესეც პრობლემაა. მე მგონია, რომ პროცესი, რაც რუსთაველზე 20 ივნისის ღამეს განვითარდა, იყო ქაოტური პროცესი, რასაც მოჰყვა ის სავალალო შედეგები, რომლებიც ჩვენ ყველამ ერთად ვიხილეთ,” - განაცხადა სალაძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში