ევროპელ პარტნიორებთან ვსაუბრობთ იმაზე, როგორ მიდის ვიზალიბერალიზაციის პროცესის შესრულება, რა ნაბიჯები უნდა იქნას გადადგმული იმისთვის, რომ თავისუფალი მიმოსვლის რეჟიმს საფრთხე არ შეექმნას, - ამის შესახევ ევროპასთან ინტეგრაციის კომიტეტის თავმჯდომარე თამარ ხულოდავამ ჟურნალისტებს ევროკავშირის დახმარების ინსტრუმენტის "ტაიექსის" წარმომადგენლებთან შეხვდრის შემდეგ განუცხადა.

ხულორდავას თქმით, საქართველოს მოქალაქეები უკვე ორ წელზე მეტია სარგებლობენ შენგენის სივრცეში თავისუფალი მიმოსვლით, რაც ქვეყანას ევროპასთან აახლოებს.

„ჩვენ ამ მონაპოვარს ვუფრთხილდებით. ჩვენს ევროპელ პარტნიორებთან მუდმივად გვაქვს კონსულტაციები. ვსაუბრობთ იმაზე, როგორ მიდის ვიზალიბერალიზაციის პროცესის შესრულება, რა ნაბიჯები უნდა იქნას გადადგმული იმისთვის, რომ თავისუფალი მიმოსვლის რეჟიმს საფრთხე არ შეექმნას. დღევანდელი შეხვედრაც სწორედ ამ საკითხებს ეხებოდა. ექსპერტებთან ჩვენ შევაჯამეთ და განვიხილეთ ის ცვლილებებიც, რომელიც პარლამენტმა ცოტა ხნის წინ მიიღო, რომ ამ კუთხით რამე პრობლემა არ დამდგარიყო”,-აცხადებს ხულორდავა.