აქციის მონაწილეები ყველა იმ ადგილზე მისვლას იწყებენ, სადაც გიორგი გახარია და მთავრობის სხვა წევრები მივლენ

შინაგან საქმეთა მინისტრის გადადგომის მოთხოვნით მიმდინარე აქციების პარალელურად, ახალგაზრდების ჯგუფები პარტიზანულად მოძრაობას და ყველა იმ ადგილზე შეკრებას გეგმავენ, სადაც გიორგი გახარია მივა.

როგორც „ინტერპრესნიუსს“ აქციების ერთ-ერთმა ორგანიზატორმა გიგა მაქარაშვილმა განუცხადა, საპროტესტო გამოსვლები გარკვეულ ცვლილებებს განიცდის და სიახლე იქნება ის, რომ გარკვეული ჯგუფები შეიკრიბებიან იქ, სადაც მივლენ შს მინისტრი და მთავრობის სხვა მაღალჩინოსნები.

„იქ, სადაც გიორგი გახარია იქნება, ყველგან ჩატარდება აქციები ყოველდღიურად. გარკვეული ჯგუფები პარტიზანულად ივლიან და სადაც იქნება გახარია და მთავრობის მაღალჩინოსნები, ყველგან მივლენ და გააპროტესტებენ გახარიას ყოფნას“, - განაცხადა მაქარაშვილმა.

რაც შეეხება მიმდინარე კვირის გეგმებს, როგორც გიგა მაქარაშვილი აღნიშნავს, ხვალ კვლავ „მსუბუქი აქცია“ იქნება და გაიმართება „თავისუფალი კონცერტი“, რომელზეც აქციის მხარდამჭერი ყველა არტისტი იმღერებს.

იხილეთ ვიდეო

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა