ლიბიაში, ტრიპოლის გარეუბან ტარუჯაში მიგრანტების ბანაკზე ავიადარტყმა გახორციელდა, რის შედეგად, 40 ადამიანი დაიღუპა და 80 დაიჭრა.
ბანაკში მცხოვრებთა უმრავლესობა აფრიკის ქვეყნებიდან ევროპისკენ მიმავალი ლტოლვილები არიან. ლიბიის საერთაშორისოდ აღიარებულმა მთავრობამ ავიადარტყმაში ფელდმარშალ ხალიფა ჰაფთარის ძალები დაადანაშაულა, რომლებმაც ლიბიის დედაქალაქზე თავდასხმა აპრილში დაიწყეს.
დაღუპულების და დაჭრილების რაოდენობა ზუსტდება. ჰაფთარის არმიის წარმომადგენელმა განაცხადა, რომ მიგრანტების ბანაკზე თავდასხმა არ განუხორციელებიათ, თუმცა ორშაბათს მათ დააანონსეს რაიონის მასირებული დაბომბვა. ამ ინფორმაციას „ბი-ბი-სი“ ავრცელებს.