სოფო კილაძე - რუს ტურისტებს საქართველოში საფრთხე არასდროს შექმნიათ

რუს ტურისტებს საქართველოში საფრთხე არასდროს შექმნიათ, - ამის შესახებ ჟურნალისტებს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რუსეთის საგარეო საქმეთა მინისტრის მოადგილის, გრიგორი კარასინის განცხადების შეფასებისას განაცხადა.

კილაძის თქმით, ერთია თუ რას აკეთებს რუსეთის სახელმწიფო საქართველოსთან მიმართებაში, რაც არის ოკუპირებული ტერიტორიები, ათასობით დევნილი ადამიანი საკუთარ სამშობლოში, დახოცილი და ნაწამები ადამიანები, რაც რუსეთის სახელმწიფოს და პოლიტიკოსების სინდისზეა და მეორე - რუსი ხალხი, რომლებიც საქართველოში ჩამოდიან.

"შემთხვევა არ მახსენდება, როდესაც ეთნიკური ნიშნით გაუსწორდნენ მათ. ჩვენ ვართ ტოლერანტული ერი და თუ ვინმე რამეს არ გვიშავებს და კონკრეტულ დანაშაულს არ ჩადის, ჩვენთან ყველა ადამიანს, მათ შორის ტურისტებს შეუძლიათ თავისუფლად შემოსვლა და არავითარი საფრთხე არ ემუქრებათ. არ ვიცი რას ემსახურება ეს განცხადება . ალბათ, ამაზე მას თავად უნდა ჰკითხოთ", - აცხადებს კილაძე.

შეგახსენებთ, გრიგორი კარასინის განცხადებით, რუსი ტურისტების საქართველოდან გაყვანის გადაწყვეტილებით კრემლმა „თავი დაიზღვია“.

„ჩვენ არ შეგვიძლია რისკის ქვეშ დავაყენოთ ჩვენი მოქალაქეები. მათ სურთ იყვნენ ტურისტები, თუმცა ღმერთმა არ ქნას რამე მოხდეს. ყველა ხელს გაიშვერს რუსეთის ხელისუფლების მისამართით, რომ ჩვენ ვერ შევძელით გაგვეთვალისწინებინა ასეთი ნეგატიური მოულოდნელობები. ჩვენ თავი დავიზღვიეთ. რა იქნება შემდეგ, მომავალში ვნახავთ“, - აღნიშნა რუსეთის საგარეო საქმეთა მინისტრის მოადგილემ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის