სახალხო დამცველი მომავალ კვირაში გეგმავს გაასაჯაროოს შეხედულებები, რამდენად ეფექტურად მიმდინარეობს 20-21 ივნისის მოვლენების გამოძიება

სახალხო დამცველი მომავალ კვირაში გეგმავს გაასაჯაროოს შეხედულებები, თუ რამდენად ეფექტურად მიმდინარეობს 20-21 ივნისის მოვლენების გამოძიება, რამდენად სწორია ტემპი და საგამოძიებო მოქმედებები, რაც უკვე ჩატარდა. ამის შესახებ სახალხო დამცველმა ნინო ლომჯარიამ ჟურნალისტებს განუცხადა.

„ჩვენ ვაპირებთ, რომ გარკვეული პერიოდულობით ჩვენი შეხედულებები, თუ როგორ მიმდინარეობს გამოძიებები - შევაჯამოთ. ალბათ, მომავალ კვირში ჩვენ უკვე გვექნება პირველადი წარმოდგენები და შეხედულებები, რამდენად ეფექტურად მიმდინარეობს გამოძიება, რამდენად სწორია ის ტემპი და ის საგამოძიებო მოქმედებები, რასაც ვხედავთ, რომ ჩატარდა. ამ საკითხზე ჩვენ უკვე მოვიწვევთ ჩვენი საკონსულტაციო საბჭოს პირველ სხდომას და საზოგადოებას და მედიას წარვუდგენთ საბჭოს შემადგენლობას, რომელიც უახლოეს დღეებში დამტკიცდება და რა თქმა უნდა, ჩვენ პირველად მოსაზრებებს განვიხილავთ სწორედ საზოგადოებასთან“, - განაცხადა სახალხო დამცველმა.

მისივე ინფორმაციით, ომბუდსმენის აპარატის მიზანია, არა მხოლოდ ცალკეული გადაცდომების შესწავლა, არამედ განსაზღვრა, ხომ არ ჰქონდა 20-21 ივნისს აქციის მართვის სისტემურ გადაცდომას ადგილი.

„ჩვენ დავინტერესდებით არამარტო ინდივიდუალური შემთხვევების გამოძიებით, არამედ, ასევე თუ რას აკეთებს პროკურატურა იმისათვის, რომ გამოიკვეთოს, ხომ არ იყო მათ შორის მაღალი თანამდებობის პირების მხრიდან გაცემული უკანონო ბრძანებები, ან რატომ ვერ განხორციელდა სათანადო კონტროლი იმაზე, როგორ იქცეოდნენ იქ ცალკეული პოლიციელები. არც პოლიტიკური და არც სამართლებრივი პასუხისმგებლობისგან არ ათავისუფლებს არავის ის გარემოება, რომ მისი თანამშრომლები არღვევდნენ ადამიანის უფლებებს, იმიტომ, რომ ისეთ უწყებაში, როგორიც არის შსს, ყველას ჰყავს შესაბამისი ზედამხედველი პირი და აქციის დაშლის დროსაც უნდა ყოფილიყო შესაბამისი ზედამხედველობა და კონტროლი, იმაზე, რომ თუკი ჰქონდა ადგილი რაღაცა გადაცდომებს, ეს დროულად აღკვეთილიყო და მისცემოდა შესაბამისი დავალებები სპეცრაზმს, თუ როგორ უნდა დაეშალა აქცია“, - განაცხადა ლომჯარიამ.

სახალხო დამცველის თქმით, დროთა განმავლობაში მინისტრები იცვლებიან, იცვლება ხელისუფლებაც, თუმცა უნდა დარჩეს გამართული სისტემა იმისათვის, რომ თუ მომავალში საჭირო იქნება აქციის დაშლა, დრამატული შედეგები აღარ იყოს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა