აშშ კვლავ აპირებს დაუწესოს თურქეთს სანქციები, თუ თურქეთი რუსულ რაკეტსაწინააღმდეგო სისტემას შეიძენს

აშშ კვლავ აპირებს დაუწესოს თურქეთს სანქციები და გარიცხოს „ეფ35“-ის პროგრამიდან, თუ თურქეთი რუსულ რაკეტსაწინააღმდეგო სისტემას „ეს 400“ შეიძენს. ამის შესახებ აშშ-ის ოფიციალურმა პირებმა სააგენტო „როიტერსს“ განუცხადეს.

თურქეთის პრეზიდენტმა რეჯებ ტაიპ ერდოღანმა ორი დღის წინ განაცხადა, რომ თურქეთი რუსულ სისტემას ყიდულობს და ამისთვის აშშ მას არანაირ სანქციებს არ დაუწესებს. ერდოღანმა დაიმოწმა აშშ პრეზიდენტ დონალდ ტრამპთან ორმხრივი შეხვედრა ოსაკაში. თუმცა, აშშ-ის სახელმწიფო დეპარტამენტის და პენტაგონის წარმომადგენლები ოფიციალურად აცხადებენ, რომ მათ გეგმებში არაფერი შეცვლილა.

„აშშ თანმიმდევრულად და მკაფიოდ აცხადებს, რომ თურქეთი შეეჯახება ძალიან რეალურ და ნეგატიურ შედეგებს, თუ ის გააგრძელებს „ეს 400“-ის შეძენას. ეს მოიცავს „ეფ 35“-ის წარმოების პროგრამიდან გარიცხვას და ამ თვითმფრინავების შეძენის კონტრაქტის გაუქმებას. თურქეთის მიმართ დაწესდება აგრეთვე სანქციები, რაც განკუთვნილია ამერიკის მოწინააღმდეგეებისთვის, სანქციების შესახებ არსებული კანონის (CAATSA) ჩარჩოებში“, - განაცხადა აშშ-ს სახელმწიფო დეპარტამენტის წარმომადგენელმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა