სერგი კაპანაძე - საქართველოს მხრიდან კონკრეტულ ნაბიჯებს, ეკონომიკურ ინიციატივებს სჭირდება ეფექტიანი მთავრობა, რომელიც სამწუხაროდ არ გვყავს

საქართველოს მხრიდან კონკრეტულ ნაბიჯებს, ეკონომიკურ ინიციატივებს სჭირდება ეფექტიანი მთავრობა, რომელიც სამწუხაროდ არ გვყავს, - ამის შესახებ „ევროპული საქართველოს" წევრმა, დეპუტატმა სერგი კაპანაძემ ჟურნალისტებს საერთაშორისო ორგანიზაციის Amnesty International ანგარიშთან დაკავშირებით განუცხადა.

კაპანაძის თქმით, ადამიანის უფლებების დარღვევა ბოლო პერიოდში არის ძალიან სერიოზული პრობლემა ოკუპირებულ ტერიტორიებზე და სწორედ ამ მიზნით იქნა შემუშავებული "ოთხოზორია-ტატუნაშვილის სია“. კაპანაძის განმარტებით, ქვეყნის საგარეო პოლიტიკის მთავარი მიმართულება უნდა იყოს აღნიშნული სიის გატანა რაც შეიძლება მეტ საერთაშორისო პარტნიორთან.

"ასევე, ბოლო წლების განმავლობაში ჩვენ არ გვნახავს ამ სიაში დამატებული რუსეთის მოქალაქეები, მიუხედავად იმისა, რომ პრემიერ -მინისტრი ბევრჯერ შეგვპირდა, რომ ამ მიმართულებით ნაბიჯები გადაიდგმეოდა. ამ კუთხით მუშაობის გააქტიურება უნდა იყოს ერთ-ერთი პრიორიტეტი ჩვენი ხელისუფლებისთვის. ჩვენი ამოცანა უნდა იყოს, რომ კიდევ უფრო მეტ საერთაშორისო ფორუმზე დაფიქსირდეს რუსეთის პასუხისმგებლობა ადამიანის უფლებების დარღვევის კუთხით. სწორედ ამიტომ არის მნიშვნელოვანი „ოთხოზორია-ტატუნაშვილის სია“.

რაც შეეხება საქართველოს მხრიდან კონკრეტულ ნაბიჯებს, ეკონომიკურ ინიციატივებს სჭირდება არამარტო ქაღალდზე დაწერილი ინიციატივა, რაც ხელისუფლებამ გააკეთა, რომელიც იყო ჩვენს მიერ 2009-2010 წლებში მიღებული სამოქმედო გეგმის გაგრძელება, ამის გარდა სჭირდება ეფექტიანი მთავრობა, რომელიც სამწუხაროდ არ გვყავს", - აცხადებს კაპანაძე.

საერთაშორისო ორგანიზაცია Amnesty International-ის ანგარიშში ოკუპირებულ ტერიტორიებზე არსებული ვითარებაა ასახული და შესაბამისი რეკომენდაციებია გაცემული საქართველოსა და რუსეთის მთავრობების მიმართ.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 20.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ