ნათია თურნავას განცხადებით, ტურისტული ინდუსტრიისგან სამი ძირითადი მოთხოვნაა, რომელთა მოსაგვარებლადაც მთავრობა მუშაობს

ეკონომიკისა და მდგრადი განვითარების მინისტრის, ნათია თურნავას განცხადებით, ტურისტული ინდუსტრიისგან სამი ძირითადი მოთხოვნაა, რომელთა მოსაგვარებლადაც მთავრობა მუშაობს. ნათია თურნავამ ქუთაისში, ტურიზმის სფეროს წარმომადგენლებთან გამართული შეხვედრის შემდეგ განაცხადა, რომ ტურიზმის ინდუსტრია გამოწვევის წინაშეა და მიმდინარეობს მუშაობა პრობლემების მოსაგვარებლად.

„თქვენ იცით, ერთ კვირაზე მეტია მას შემდეგ, რაც დიდი გამოწვევის წინაშე დადგა ჩვენი ტურიზმის ინდუსტრია. მე პირადად, მთელი ჩვენი გუნდი პრემიერ-მინისტრის დავალებით დავდივართ რეგიონებში და ვხვდებით იმ ტურისტულ ადგილებში ოპერატორებს, ვისაც ყველაზე დიდი რისკი დაუდგა, სადაც წლის ბოლომდე ტურისტებს ელოდებოდნენ, მათ შორის მილიონი რუსი ტურისტი უნდა ჩამოსულიყო და ახლა დგას ჩამოსვლა კითხვის ქვეშ. რომ დავაჯამოთ შეხვედრების შედეგები, სამი მიმართულებით ისმის მოთხოვნა. პირველი მოთხოვნაა, რომ მოხდეს სტაბილიზაცია, იყოს მშვიდობა და ამის შესახებ მესიჯი მივაწოდოთ მთელ მსოფლიოს, რომ საქართველი იყო, არის და იქნება უსაფრთხო ადგილი. მეორე მიმართულებაა, ფინანსური პრობლემები, რაც ბიზნესს დაუდგა, ბანკის სესხები. მესამე რასაც ვისმენთ, არის ის, რომ ბიზნესი და ოჯახები ითხოვენ, დივერსიფიკაციასთან ერთად გავაკეთოთ მაქსიმუმი, რომ რუსი ტურისტიც არ წავიდეს და შევინარჩუნოთ. ეს სამი მიმართულება არის დავალება, რომელიც მივიღეთ ტურიზმის ინდუსტრიიდან. ამ მიმართულებით ვმუშაობთ. დღეს საღამოს პრემიერ-მინისტრთან გვექნება მსჯელობა და იმ კვირაში მზად ვიქნებით, გარკვეული ღონისძიებებით დავუბრუნდეთ ტურისტულ ინდუსტრიას“, - განაცხადა ნათია თურნავამ.

კითხვაზე, მილიონ რუს ტურისტს მთლიანად ვემშვიდობებით თუ სხვა გზებითაც შემოვლენ ქვეყანაში, ნათია თურნავა პასუხობს, რომ ტურიზმის ბიზნესთან ერთად აკვირდებიან ამ დღეების ტენდენციას.

„რასაც ვუყურებთ, რუსი ტურისტების ნაწილი კვალავაც მოწადინებულია ეწვიოს ჩვენს ქვეყანას და ამას მივესალმებით. რა თქმა უნდა, სირთულეები იქნება, მაგრამ ძალიან დიდი იმედი მაქვს, რომ ეს რაღაცნაირად დალაგდება“, - განაცხადა თურნავამ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“