პროტოპრესვიტერი გიორგი ზვიადაძის ინფორმაციით, დავით გარეჯის საკითხთან დაკავშირებით საპატრიარქო განცხადებას გაავრცელებს. როგორც მან ჟურნალისტებს განუცხადა, საპატრიარქო საქართველო აზერბაიჯანს შორის სადელიმიტაციო-სადემარკაციო სამუშაოებს ყურადღებით ადევნებს თვალს.
"საქართველოს საპატრიარქო ამას ძალიან დიდი ყურადღებით ადევნებს თვალს. ამ წუთში მე ვერ მივცემ ჩემს თავს უფლებას, რომ გარკვეული განცხადება გავაკეთო. როგორც ტელევიზიით მესმის, ამასთან დაკავშირებით საგარეო საქმეთა სამინისტრო ძალიან კვალიფიციურ ინფორმაციას ავრცელებს. ვფიქრობ, იქნება საპატრიარქოს განცხადებაც და მთელმა საზოგადოებამ ამ განცხადებით უნდა იხელმძღვანელოს და მას უნდა გაუწიოს ანგარიში. მე ამ წუთში არ შემიძლია რაიმე განცხადება გავაკეთო ამ საკითხთან დაკავშირებით. მე ამ საკითხის შესწავლაში არ ვარ უშუალოდ ჩართული,"- განაცხადა მამა გიორგი ზვიადაძემ.