საქართველოში ამერიკის შეერთებული შტატების საელჩოში ამერიკის დამოუკიდებლობის დღის აღსანიშნავი ღონისძიება იმართება. ღონისძიებას ესწრებიან საქართველოს პრეზიდენტი სალომე ზურაბიშვილი, პრემიერ-მინისტრი მამუკა ბახტაძე, პარლამენტის თავმჯდომარე არჩილ თალაკავაძე, თბილისის მერი კახა კალაძე, ასევე, მინისტრათა კაბინეტის წევრები, დეპუტატები და სასამართლო ხელისუფლების წარმომადგენლები.

ამერიკის საელჩოში ღონისძიებას ესწრებიან სხვადასხვა სახელმწიფოს ელჩები, არასამთავრობო სექტორის, მედიის წარმომადგენლები და სასულიერო პირები.

სტუმრები ამერიკის შეერთებული შტატების ელჩის მოვალეობის შემსრულებელმა, ელიზაბედ რუდმა მიიღო. ღონისძიებაზე "რუსთავმა" სტუმრებისთვის „ჩაკრულო“ შეასრულა.