არჩილ თალაკვაძე - გათვლილი უნდა ყოფილიყო ის სცენარიც, რომ დუმის წარმომადგენელს შესაძლოა, ეს ფორმატი გამოეყენებინა ასეთი პროვოკაციული ჟესტისთვის

ვაცნობიერებთ, რომ რუსეთის ფედერაციას ოკუპირებული აქვს საქართველოს ტერიტორიების 20% და უნდა ყოფილიყო გათვლილი ის სცენარიც, რომ დუმის წარმომადგენელს შესაძლოა, ასამბლეის ფორმატი გამოეყენებინა ცალსახად პროვოკაციული ჟესტისთვის, - ამის შესახებ საქართველოს პარლამენტის თავმჯდომარემ არჩილ თალაკვაძემ განაცხადა.

მან ისაუბრა 20 ივნისის მოვლენების შესახებ და მოლაპარაკების თემასთან დაკავშირებით ოპოზიციისა და ხელისუფლებას შორის.

„პავლე კუბლაშვილი მე არ მინახავს, მაგრამ პარლამენტის წევრები, როგორც უმრავლესობის, ასევე საპარლამენტო ოპოზიციის რამდენიმე წარმომადგენელი პარლამენტში იმყოფებოდნენ მთელ ამ პერიოდში, რაც ბუნებრივია, რადგან მშვიდობიანი მანიფესტაცია იყო და პარლამენტის არაერთი წევრი ვიყავით პარლამენტის შენობაში. ჩვენ ვაჩვენეთ კონფერენციის მასალები, სადაც ჩანს, რომ წინასწარი შეთანხმებით კონფერენცია უნდა წაეყვანა ბერძენ დეპუტატს. ეს შეთანხმება სამწუხაროდ, იყო დარღვეული რუსეთის დუმის წარმომადგენლის მხრიდან, რასაც მოჰყვა ჩვენი სახელისუფლებო გუნდის მყისიერი რეაქცია და შეფასებები. ასევე, კონფერენციის შეწყვეტა და შემდგომში ჩვენი მხრიდან კონფერენციის შეწყვეტა და პოლიტიკური პასუხისმგებლობის მკაფიო დემონსტრირება. სრულად ვაცნობიერებთ, რომ რუსეთის ფედერაციას ოკუპირებული აქვს საქართველოს ტერიტორიების 20%, ამ ტერიტორიებს ის არქმევს დამოუკიდებელ რესპუბლიკებს და ბუნებრივია, უნდა ყოფილიყო გათვლილი ის სცენარიც, რომ დუმის წარმომადგენელს შესაძლოა, ეს ფორმატი გამოეყენებინა ასეთი ჟესტისთვის, რომელიც ცალსახად იყო პროვოკაციული. როდესაც მშვიდობიანი მანიფესტაცია მიმდინარეობდა და ასევე ის გადაიზარდა ძალადობრივ სცენარში, პარლამენტის არც ერთი წევრი არ ტოვებდა პარლამენტის შენობას, მათ შორის იყვნენ ოპოზიციის წარმომადგენლებიც", - განაცხადა თალაკვაძემ.

მანვე ისაუბრა 20 ივნისს განვითარებულ პროცესებში ანზორ ჩუბინიძის ჩართულობაზე და აღნიშნა, რომ ის წარმოადგენს სახელმწიფო დაცვის სპეციალურ სამსახურს.

„ამ სამსახურს აქვს დებულება, სადაც განსაზღვრულია მისი მანდატი და ფუნქციები და ერთ-ერთი მისი ფუნქცია არის პარლამენტის წევრების უსაფრთხოების დაცვაც. ეს იქნება ჩემი პასუხი, თუ რატომ იყო ის პარლამენტის ტერიტორიაზე", - აღნიშნა პარლამენტის თავმჯდომარემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა