ეუთო-ს საპარლამენტო ასამბლეის სესიაზე საქართველოს შესახებ რეზოლუციასაც განიხილავენ

4-8 ივლისს, ლუქსემბურგში, ეუთო-ს საპარლამენტო ასამბლეის ზაფხულის სესია ჩატარდება და მასში ეუთო-ს 57 ქვეყნის 700-მდე წარმომადგენელი მიიღებს მონაწილეობას. ამის შესახებ „ინტერპრესნიუსს“ პარტია „ევროპული საქართველოდან“ აცნობეს. მათივე ინფორმაციით, შეხვედრის მთავარი თემაა "პარლამენტების როლი უსაფრთხოებისა და მდგრადი განვითარების მიზნებისთვის" და სესიაზე მიღებული იქნება დეკლარაციაც. „სადისკუსიო რეზოლუციებს შორის არის საქართველოს დელეგაციის მიერ ინიცირებული რეზოლუცია, რომელიც ოკუპირებულ ტერიტორიებზე ადამიანის უფლებებს ეხება. რეზოლუციაში დაგმობილია რუსეთის მიერ განხორციელებული ქმედებები, 12 აგვისტოს ხელშეკრულებით გათვალისწინებული ვალდებულებები. ასევე , მასში ოკუპირებულ აფხაზეთსა და ცხინვალის რეგიონში ადამიანის უფლებებთან დაკავშირებით დღეს არსებული ვითარება დეტალურად არის აღწერილი. რეზოლუციაში ხაზგასმულია დისკრიმინაცია, გატაცებები, გამოუძიებელი მკვლელობები, ოთხოზორია-ტატუნაშვილის სია და დამნაშავეთა დასჯის მოთხოვნა. დევნილთა დაბრუნებისთვის პირობების არარსებობა და ამ კუთხით რუსეთის პასუხისმგებლობა. რეზოლუციაში აღნიშნულია, რომ როდესაც თემა ეხება ადამიანის უფლებებს ამგვარ დარღვევებს, აუცილებელია საპასუხო საერთაშორისო აქტივობის გაძლიერება და გამკაცრება“, - აცხადებენ პარტიაში.

„ევროპული საქართველოს“ ინფორმაციით, სესიის მუშაობაში რუსეთის დელეგაციაც მონაწილეობს, რომელსაც უკვე აქვს განცხადებული, რომ შეეცდება საქართველოს რეზოლუცია არ იყოს მიღებული და შესაბამისად სესიის მიმდინარეობის დროს მოსალოდნელია მწვავე დისკუსიაც.

"ეუთოს საპარლამენტო ასამბლეას აქვს მიღებული ძალიან მკაცრი დოკუმენტები რუსეთის პოლიტიკის წინააღმდეგ და ეს ბრძოლა აუცილებელია საერთაშორისო ზეწოლის გასაძლიერებლად. მიუხედავად მოსალოდნელი დიდი წინააღმდეგობისა, იმედი მაქვს საქართველოს პოზიციას ეუთოს წევრი ქვეყნების მხარდაჭერა ექნება“,- განაცხადა გიგი წერეთელმა. ასამბლეაზე, რეზოლუციებს შორის არის უკრაინის კონფლიქტთან, ტერორიზმის მიგრაციის საკითხებთან დაკავშირებული რეზოლუციებიც.

„ევროპული საქართველოს“ ცნობით, ასამბლეის ფარგლებში საქართველოს დელეგაცია პარლამენტარიზმის 100 წლისადმი მიძღვნილ გამოფენასაც უმასპინძლებს. ამავე სესიაზე საპარლამენტო ასამბლეა ახალ ბიუროს შემადგენლობას აირჩევს, გაიმართება პრეზიდენტის, ვიცე-პრეზიდენტის და სხვა კომიტეტის ხელმძღვანელების არჩევნები.

წინასწარი ინფორმაციით, ევროპის სახალხო პარტია (EPP) პრეზიდენტის პოსტზე ახალი ვადით გიგი წერეთელს დაუჭერს მხარს. ასამბლეა მუშაობას 8 ივლისს დაასრულებს.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ