გენერალური პროკურატურის ინფორმაციით, ნიკა მელიას საქმეზე ამ დროისთვის გამოძიებას ჩვენება 60-მდე პირმა მისცა. როგორც პროკურორმა კოკა კაციტაძემ განმარტა, საქმეზე ჩატარდა დამატებითი საგამოძიებო მოქმედებები და გამოიკითხნენ, როგორც მოწმეები ისე დაზარალებულები.

„საქართველოს პროკურატურაში ინტენსიურად გრძელდება გამოძიება ჯგუფური ძალადობის ორგანიზების, ხელმძღვანელობისა და მასში მონაწილეობის ფაქტზე, საქართველოს პარლამენტის წევრის ნიკანორ მელიას მიმართ. მას ბრალი ედება სისხლის სამართლის კოდექსის 225-ე მუხლით. საქმეზე ჩატარდა დამატებითი საგამოძიებო მოქმედებები, გამოიკითხნენ მოწმეები და დაზარალებულები. ამ დროისთვის გამოძიებას ჩვენება მისცა 60-მდე პირმა“, - განაცხადა კოკა კაციტაძემ.

იხილეთ ვიდეო