რომან გოცირიძე - პოლიტიკური რეპრესიების დაწყება დააანონსეს - ალბათ, მერე გადამალულ საბურავებზე და რევოლუციებზე მოგვითხრობენ ზღაპრებს

„ფაქტობრივად, ქვეყანაში პოლიტიკური რეპრესიების დაწყება დააანონსეს,“ - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ „ინტერპრესნიუსს“ განუცხადა, რითაც გამოეხმაურა გენერალური პროკურატურის განცხადებას 20-21 ივნისის მოვლენების შესახებ. გოცირიძის შეფასებით, ხელისუფლება მომხდარის შეფასების რუსულ ვერსიას ერთი-ერთზე იმეორებს.

„ეს არის ხელისუფლების მორიგი უგუნური ქმედება. ფაქტობრივად, ქვეყანაში პოლიტიკური რეპრესიების დაწყება დააანონსეს. თუ თავიდან მომხდარ ფაქტს მისცეს ჯგუფური ძალადობის კვლიფიკაცია, ახლა უკვე სახელმწიფო ხელისუფლების დამხობის რანგში აიყვანეს. ალბათ, მერე გადამალულ ათასობით საბურავებზე და რევოლუციებზე მოგვითხრობენ ზღაპრებს. მოქმედებენ გაღმა შეედავეს პრინციპით. უნდათ საკუთარი დანაშაული მიჩქმალონ და ის საპროტესტო გამოსვლები ჩაახშონ, რომელიც არ დამთავრდება შინაგან საქმეთა მინისტრის გადადგომის გარეშე. ამით ვერავის დააშინებენ. ერთ-ერთზე იმეორებენ მომხდარის შეფასების რუსულ ვერსიას. ხელისუფლება პანიკურ მდგომარეობაშია, აღრმავებს კრიზისს და აჩქარებს მის პოლიტიკურ დასასრულს. ვერ აფასებს ხალხის განწყობას,“ - განაცხადა რომან გოცირიძემ.

შეგახსენებთ, გენერალური პროკურატურის განცხადებით, მიმდინარე წლის 20-21ივნისს ცალკეული პირების მიერ ამბოხების გზით სახელმწიფო ხელისუფლების ძალადობრივი დამხობა და ხელში ჩაგდება იგეგმებოდა. მათივე განმარტებით, დადგენილია, რომ სწორედ ამ განზრახვის განხორციელების პირველი ფაზა მიზნად ისახავდა საქართველოს პარლამენტის იერიშით აღებას, რასაც უნდა მოჰყოლოდა შემდგომი დანაშაულებრივი ქმედებები ქვეყნის მთელ ტერიტორიაზე. საგამოძიებო უწყებაში აცხადებენ, რომ 20 ივნისის ღამეს მომხდარი მოვლენების გამოძიების ფარგლებში უახლოეს პერიოდში გაიზრდება ბრალდებულ პირთა რიცხვი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს