UNESCO-სა და ევროკავშირის კონკურსის გამარჯვებული პროექტის პრეზენტაცია გაიმართება

საქართველოს განათლების, მეცნიერების, კულტურისა და სპორტის სამინისტროში ევროკავშირისა და UNESCO-ს 2019 წლის კონკურსში გამარჯვებული პროექტის პრეზენტაცია - „შემოქმედებითი კლასტერების ეკოსისტემის განვითარება“ გაიმართება.

ღონისძიებას მინისტრის მოადგილე ლევან ხარატიშვილი, საქართველოს UNESCO-ს საქმეთა ეროვნული კომისიის თავმჯდომარე ქეთევან კანდელაკი და სსიპ „შემოქმედებითი საქართველოს“ წარმომადგენლები ელენე თოიძე და ვატო ურუშაძე გაუძღვებიან.

„შემოქმედებითი კლასტერების მხარდამჭერი მექანიზმების შემუშავება საქართველოში“ - ევროკავშირისა და იუნესკოს კონკურსის გამარჯვებული პროექტის განხორციელების მიზანია საქართველოში შემოქმედებითი ინდუსტრიების განვითარების ხელშეწყობა.

პროექტის ფარგლებში, შემუშავდება სტრატეგია და სამოქმედო გეგმა, ასევე, დაგეგმილია შემოქმედებითი ინდუსტრიების ბაზრის ძირეული შესწავლა და იმ სარგებლის განსაზღვრა, რასაც ამ სფეროს განვითარების შედეგად მიიღებს ქვეყანა. 2 წლის განმავლობაში, პროექტში ჩართული საერთაშორისო და ადგილობრივი ექსპერტები შეიმუშავებენ პრაქტიკულ რეკომენდაციებს, რაც ხელს შეუწყობს მეტი შემოქმედებითი სივრცეების შექმნას მთელი ქვეყნის მასშტაბით.

პროექტის განხორციელების პროცესში მონაწილეობს იუნესკოს საერთაშორისო ექსპერტი კულტურის პოლიტიკის მიმართულებით - ლიდია ვარბანოვა, ხოლო ადგილობრივი ექსპერტის შერჩევის მიზნით გამოცხადებულია ღია კონკურსი https://bit.ly/2XFUCrN .

განათლების, მეცნიერების, კულტურისა და სპორტის სამინისტროს ინფორმაციით, შემოქმედებითი კლასტერების ეკოსისტემის განვითარების პროექტი თანხვედრაშია „კულტურის სტრატეგია 2025“-ის სტრატეგიულ მიმართულებებთან, რაც გულისხმობს საქართველოში შემოქმედებითი ინდუსტრიების განვითარებისთვის ხელსაყრელი გარემოს შექმნას, მაღალი ხარისხის, კონკურენტუნარიანი პროდუქტის წარმოებასა და მომსახურების გაუმჯობესებას.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ