გიორგი ბარამიძე - სახელმწიფო გადატრიალებაზე საუბარი სასაცილოა - ხდება უზნეობის ტირაჟირება, რომ ეს უნდა ყოფილიყო „ვარდების რევოლუცია 2“

სახელმწიფო გადატრიალებაზე საერთოდ საუბარი სასაცილოა. ხდება უზნეობის ტირაჟირება, რომ ეს უნდა ყოფილიყო „ვარდების რევოლუცია 2“, - ეს განცხადება გამოკითხვაზე დაბარებულმა „ნაციონალური მოძრაობის“ ერთ-ერთმა ლიდერმა, გიორგი ბარამიძემ ჟურნალისტებთან საუბარში გააკეთა. მისივე თქმით, ის აპირებს გამოძიებასთან თანამშრომლობას.

„ბუნებრივია, ვითანამშრომლებ გამოძიებასთან, რომელიც უსუსურად ცდილობს ხელისუფლების პასუხისმგებლობა, პირადად ივანიშვილის, შსს-ს და ასევე ანზორ ჩუბინიძის სისხლის სამართლის დანაშაული აიცილოს თავიდან და გადაიტანოს ოპოზიციის ლიდერებზე. დიახ, სისხლის სამართლის დანაშაულია, რომ მრავალი საათის განმავლობაში, ათობით და ასობით პოლიციელი, პარლამენტის შენობიდან ძალიან დიდი მანძილის მოშორებით ესროდა დამიზნებით რეზინის, დათვის ტყვიებს, სცემდა, გაზს ესროდა, ძალას ამეტებდა, არბევდა, სჯიდა, სახურავებიდან აგდებდა. არ აქვს მნიშვნელობა პირადად ჩემს წინააღმდეგ დაიწყება თუ არა გამოძიება, ნიკა მელიას მიმართებაში დაიწყეს და ახლა ვხედავთ უსუსურ მცდელობას, რომ საკუთარი პასუხისმგებლობა დააკისრონ სხვას. ასევე ახდენენ პროპაგანდას თავის მომხრეებში, ხავს ეჭიდებიან თითქოს სახელმწიფო გადატრიალება ხორციელდებოდაო. აბსურდია რასაც მელიას ედავებიან, როცა ამბობდა ხელებაწეულები შევიდეთ ცარიელი პარლამენტის შენობის ეზოშიო და საერთოდ სახელმწიფო გადატრიალებაზე საუბარი სასაცილოა. ამავდროულად ხდება უზნეობის ტირაჟირება, რომ ეს უნდა ყოფილიყო „ვარდების რევოლუცია 2“ და თვითონ „ვარდების რევოლუციას“ ადარებენ პრეზიდენტ გამსახურდიას ტანკებით და იარაღით დამხობის პროცესს. სრული ქაოსი აქვთ თავში, უზნეობა და ალოგიკურობა“, - განაცხადა გიორგი ბარამიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს