იმ ქმედებებს კატეგორიულად არ უნდა ველოდოთ, რასაც თავის დროზე გიგი უგულავასა და გიორგი ბარამიძის ხელისუფლება სჩადიოდა, - ასე ეხმაურება უმრავლესობის ლიდერი გია ვოლსკი გამოძიების მიერ ოპოზიციურ პარტიათა ლიდერების დაბარებას.

“დაკითხვა და ჩვენებების მიცემა საჭიროა. არსებობს კანონიერი ფარგლები, ამ ფორმატში უნდა იყოს მიცემული ყველანაირი ჩვენება, მათ შორის, თუ საზღვარგარეთ დასეირნობენ დღეს-დღეისობით“, - აღნიშნა გია ვოლსკიმ.

“ევროპული საქართველოს“ ერთ-ერთი ლიდერი გიგი უგულავა გამოკითხვაზეა დაბარებული. ამასთან, შსს, გარდა გიგი უგულავასი, სასამართლოს ირაკლი ოქრუაშვილისა და გია ბარამიძის დაკითხვის მოთხოვნითაც მიმართავს.