წყალმომარაგების კომპანიის დირექტორის მოადგილე ირაკლი ურუშაძემ საქართველო-იტალიის ბიზნეს ფორუმის მონაწილეებს კომპანიის საქმიანობა გააცნო

გაერთიანებული წყალმომარაგების კომპანიის დირექტორის მოადგილე ირაკლი ურუშაძემ საქართველო-იტალიის ბიზნეს ფორუმის მონაწილეებს კომპანიის საქმიანობა, მიმდინარე და დაგეგმილი პროექტები გააცნო. ამის შესახებ „ინტერპრესნიუსს“ რეგიონული განვითარების და ინფრასტრუქტურის სამინისტროდან აცნობეს.

მათი ინფორმაციით, ირაკლი ურუშაძემ გამოსვლისას ხაზი გაუსვა საერთაშორისო საფინანსო ინსტიტუტების აქტიურ მხარდაჭერას წყალმომარაგება-წყალარინების ინფრასტრუქტურის განვითარებაში და ბიზნეს კომპანიის წარმომადგენლებს სამომავლო პოტენციური თანაშრომლობის შესაძლებლობები გააცნო.

„იტალია-საქართველოს ბიზნეს ფორუმი საქართველოს განვითარებისთვის სტრატეგიული მნიშვნელობის მქონე რამდენიმე დარგს, კერძოდ: ინფრასტრუქტურას, სამშენებლო და საინჟინრო დარგებს, ენერგეტიკასა და ურბანულ განვითარებას მიეძღვნა. ღონისძიების მიზანს წარმოადგენდა კერძო სექტორში ორი ქვეყნის თანამშრომლობის განმტკიცება, ქართულ ბაზარზე იტალიური კომპანიების არსებობის ხელშეწყობა და იტალიასა და საქართველოს შორის ეკონომიკური კავშირების გაძლიერება.

ფორუმში იტალიის საგარეო ვაჭრობის ხელშეწყობის სააგენტო (ITA-ICE), საინჟინრო, სამშენებლო კომპანიების ეროვნული ასოციაცია (ANCE) და 30-მდე წამყვანი იტალიური კომპანია, ქართული მხარიდან კი 100-ზე მეტი საწარმო, სააგენტო, საჯარო თუ კერძო კომპანია მონაწილეობდა.

ღონისძიების ფარგლებში საერთაშორისო საფინანსო ინსტიტუტების, ქართული სამეწარმეო ასოციაციებისა და სახელმწიფო უწყებების პრეზენტაციები მოეწყო,“ - ნათქვამია სამინისტროს ინფორმაციაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში