რუსთაველის გამზირზე საავტომობილო მოძრაობა გადაიკეტა. გზის სავალი ნაწილის გადაკეტვა, აქციაზე მყოფი ხალხის სიმრავლემ განაპირობა. რაც შეეხება აქციას, დღეს სცენა სოლო შემსრულებლებსა და მუსიკალურ ჯგუფებს ეთმობა.
აქციის ორგანიზატორთა ინფორმაციით, ხვალ სცენა მწერლებსა და პოეტებს დაეთმობა. პარლამენტის შენობის წინ, ამ ეტაპზე არანაირი ინციდენტი არ დაფიქსირებულა. აქციის ორგანიზატორები მოქალაქეებს მოუწოდებენ, არ მიიღონ ალკოჰოლური სასმელები, ვინაიდან მათი თქმით, არ არის გამორიცხული პროვოკაციების მოწყობა.