20 ივნისის აქციის საქმეზე დაკავებულის ძმა - პოლიციელების მიმართ შენიშვნით შემოიფარგლებიან, უბრალო ადამიანს ემოციის გამოხატვისთვის კი შეიძლება დახვრეტაც მიუსაჯონ

მხოლოდ შენიშვნით და შეშფოთებით შემოიფარგლებიან პოლიციელების და კანონდამრღვევი სახელმწიფო მოხელეების მიმართ და უბრალო ადამიანს, ელემენტარული ემოციის გამოხატვისთვის შეიძლება დახვრეტაც მიუსაჯონ, - ამის შესახებ ჟურნალისტებს ჯგუფურ ძალადობაში მონაწილეობის ბრალდებით დაკავებული ზურაბ ბუდაღაშვილის ძმამ გიორგი ბუდაღაშვილმა განუცხადა. როგორც ის ამბობს, მისი ძმა შერჩევითი სამართლის მსხვერპლია.

"ზურა ვერ ეგუებოდა ვერასდროს უსამართლობას და განუკითხაობას. არავითარ ძალადობას ადგილი არ ჰქონია. ერთი დაშავებული ადამიანი მაჩვენონ, ვინც ზურასგან დაზარალდა, ვისაც ზურამ რამე დაუშავა. მე კი ვაჩვენებ უამრავ ადამიანს ვინც დაზარალდა მათი ხელით ჩემს საახლობლოში, შორს არ წავალ. ეს არის შერჩევითი სამართალი, მე არავისი არ მშურს და არავის თავისუფლებით არ ვიბოღმები და რადგან სხვები გამოუშვეს და ჩემი ძმა დაჭერილია, არ ვიბოღმები ამის გამო. ადამიანები, რომლებსაც გაცილებით მეტი დანაშაული აქვთ ჩადენილი და ვიცით ხალხმაც, ისინი ერთ საათში გარეთ გამოდიან. მხოლოდ შენიშვნით და შეშფოთებით შემოიფარგლებიან პოლიციელების და კანონდამრღვევი სახელმწიფო მოხელეების მიმართ და უბრალო ადამიანს, ელემენტარული ემოციის გამოხატვისთვის შეიძლება დახვრეტაც მიუსაჯონ", - აღნიშნა გიორგი ბუდაღაშვილმა.

დაკავებულის ძმა ყველას თანადგომისკენ მოუწოდებს და ამბობს, რომ "ზურაბ ბუდაღაშვილს საზოგადოების დახმარება და თანადგომა სჭირდება, რათა უდანაშაულო ადამიანი არ დაისაჯოს".

20-21 ივნისის აქციის საქმეზე, ჯგუფური ძალადობის ბრალდებით დაკავებულ ერთ პირს - ზურაბ ბუდაღაშვილს ბრალი უკვე წარედგინა. რაც შეეხება დანარჩენ 3 პირს, მათთვის ბრალის ოფიციალურად წარდგენა დღეს მოხდება.

ცოტნე სოსელია, ბესიკ თამლიანი, კახაბერ კუპრეიშვილი და ზურაბ ბუდაღაშვილი შს სამინისტროს თანამშრომლებმა გუშინ დააკავეს. მათ ბრალად ჯგუფურ ძალადობაში მონაწილეობა ედებათ. დანაშაული 6-დან 9 წლამდე თავისუფლების აღკვეთას ითვალისწინებს

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ