საქართველოს პრეზიდენტ სალომე ზურაბიშვილის განცხადებით, ბათუმში სტუმრობის ფარგლებში საკონსტიტუციო სასამართლოს თავმჯდომარეს, ზაზა თავაძეს შეხვდა. როგორც სალომე ზურაბიშვილმა ჟურნალისტებს განუცხადა, ყველასათვის სამაყოა, რომ საქართველოს საკონსტიტუციო სასამართლო დიდი ნდობით სარგებლობს.

„იცით, რომ როგორც პრეზიდენტი, მე ვარ კონსტიტუციის გარანტი და ამდენად, საკონსტიტუციო სასამართლოსთან თანამშრომლობა ძალიან მნიშვნელოვანია. ძალიან მოხარული ვარ, რომ ჩვენი საკონსტიტუციო სასამართლო დღეს შესულია ევროპაში მთლიანად, როგორც სრული და ძალიან დაფასებული ნაწილი. როგორც არაერთხელ აღვნიშნეთ, სექტორალურად ეს არის ევროპაში შესვლის ჩვენი ერთ-ერთი ფორმა“, - განაცხადა ზურაბიშვილმა.