დიმიტრი გვრიტიშვილი - ეს მანდატი მონიჭებულია მოსამართლეებისაგან, რომ სასამართლო ხელისუფლება უსაფუძვლო შეტევისას დავიცვა

ქუთაისის სააპელაციო სასამართლოს თავმჯდომარე, მოსამართლე დიმიტრი გვრიტიშვილი განმარტავს მიზეზებს თუ რატომ არის სოციალურ ქსელში აქტიური. როგორც გვრიტიშვილმა ჟურნალისტებს განუმარტა, ის სოციალურ ქსელებში აქტიურობით სამოსამართლეო ეთიკას არ არღვევს.

„მე, გარდა იმისა, რომ ვარ მოსამართლე, ვარ იუსტიციის უმაღლესი საბჭოს წევრი. საერთაშორისო სტანდარტებით თუ ხდება მოსამართლეებზე და სასამართლო ხელისუფლებაზე თავდასხმა, განსაკუთრებით უსაფუძვლო თავდასხმა, დაცვის ფუნქცია ეკისრება არა ინდივიდუალურ მოსამართლეს, არამედ იუსტიციის უმაღლეს საბჭოს ან მოსამართლეთა პროფესიულ გაერთიანებას/ ასოციაციას. აქედან გამომდინარე, მე ვაქტიურობ, როგორც იუსტიციის უმაღლესი საბჭოს წევრი. ეს არის მანდატი მონიჭებული მოსამართლეებისაგან და ეს მანდატი დამყარებულია საერთაშორისო სტანდარტებზე, რომ მე, უსაფუძვლო შეტევისას დავიცვა სასამართლო ხელისუფლება და მოსამართლეები“, - განაცხადა დიმიტრი გვრიტიშვილმა.

მან ასევე ისაუბრა სამოსამართლო ეთიკის კოდექსის გადახედვის აუცილებლობაზე და აღნიშნა, რომ ფუნდამენტური ცვლილებები ეთიკის კოდექსში არ იგეგმება.

„ეთიკის კოდექსის განახლების საკითხი, საერთაშორისო სტანდარტების შესაბამისად დევს სასამართლო ხელისუფლების სტრატეგიაში, მხოლოდ იმ კუთხით, რომ არსებული ზოგადი და ხშირ შემთხვევაში ბუნდოვანი ნორმები დაზუსტდეს. საუბარია დაკონკრეტებაზე და არა რაღაც ფუნდამენტურ ცვლილებებზე. ნორმები, რომელიც აწესებს ეთიკურ სტანდარტებს უნდა იყოს მაქსიმალურად კონკრეტული და მკაფიო, იმისთვის რომ ყველას ჰქონდეს შესაძლებლობა შეაფასოს მოსამართლის ესა თუ ის ქცევა, გამოხატვის რეალიზებასთან ერთად შეესაბამება თუ არა არსებულ ეთიკურ სტანდარტებს. რაც შეეხება სოციალურ ქსელებში მოსამართლეების აქტიურობას, ეს მხოლოდ საქართველოს პრობლემა არ არის. ეს პრობლემა დგას ზოგადად, იმიტომ რომ ისეთი უნივერსალური ქცევის წესები, როგორიც არის ბანგალორის ქცევის წესები, რომელიც საერთაშორისო დონეზე აწესებს ეთიკურ სტანდარტებს მოსამართლეებისთვის, ისიც კი არ შეიცავს ნორმებს სოციალურ ქსელებში მოსამართლეების აქტიურობასთან დაკავშირებით“- განაცხადა გვრიტიშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება